2015 جىلعى 26 ناۋرىز, استانا قالاسى
سايكەستىكتى راستاۋ ماسەلەلەرى جونىندەگى نورماتيۆتىك قۇقىقتىق اكتىلەردى بەكىتۋ تۋرالى
«تەحنيكالىق رەتتەۋ تۋرالى» 2004 جىلعى 9 قاراشاداعى قازاقستان رەسپۋبليكاسى زاڭىنىڭ 1-بابىنىڭ 8) تارماقشاسىنا, 12-بابى 3-تارماعىنىڭ 5) تارماقشاسىنا, 33-بابىنىڭ 2-تارماعىنا سايكەس بۇيىرامىن:
1. قوسا بەرىلىپ وتىرعان:
1) وسى بۇيرىققا 1-قوسىمشاعا سايكەس سەرتيفيكاتتالعان ءونىمنىڭ, پروتسەستەردىڭ تەحنيكالىق رەگلامەنتتەرمەن بەلگىلەنگەن تالاپتارعا سايكەستىگىن راستاۋ جونىندەگى اككرەديتتەلگەن ورگاننىڭ ينسپەكتسيالىق باقىلاۋدى جۇزەگە اسىرۋ قاعيدالارى;
2) وسى بۇيرىققا 2-قوسىمشاعا سايكەس بەرىلگەن سايكەستىك سەرتيفيكاتتارىنىڭ نەمەسە سايكەستىك تۋرالى دەكلاراتسيالاردى تىركەۋدىڭ قولدانىلۋىن توقتاتۋ نەمەسە كۇشىن جويۋ قاعيدالارى;
3) وسى بۇيرىققا 3-قوسىمشاعا سايكەس شەتەلدىك سايكەستىك سەرتيفيكاتتارىن, سىناق حاتتامالارىن, سايكەستىك بەلگىلەرىن جانە سايكەستىكتى راستاۋ سالاسىنداعى وزگە قۇجاتتاردى تانۋ قاعيدالارى بەكىتىلسىن.
2. «سايكەستىكتى راستاۋ ماسەلەلەرى جونىندەگى نورماتيۆتىك قۇقىقتىق اكتىلەردىڭ تۋىندى تۇرلەرىن بەكىتۋ تۋرالى» قازاقستان رەسپۋبليكاسى يندۋستريا جانە ساۋدا مينيسترلىگىنىڭ تەحنيكالىق رەتتەۋ جانە مەترولوگيا كوميتەتى توراعاسىنىڭ 2005 جىلعى 22 ساۋىردەگى № 119 بۇيرىعىنىڭ (قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ بيۋللەتەنىندە جاريالانعان, نورماتيۆتىك قۇقىقتىق اكتىلەردى مەملەكەتتىك تىركەۋ تىزبەسىندە № 3601 بولىپ تىركەلگەن, 2005 جىلعى قىركۇيەك, № 18, 148-قۇجات) كۇشى جويىلدى دەپ تانىلسىن.
3. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ تەحنيكالىق رەتتەۋ جانە مەترولوگيا كوميتەتى (ب. ب. قانەشەۆ) زاڭنامادا بەلگىلەنگەن تارتىپپەن:
1) قازاقستان رەسپۋبليكاسى ادىلەت مينيسترلىگىندە وسى بۇيرىقتىڭ زاڭنامامەن بەلگىلەنگەن تارتىپپەن مەملەكەتتىك تىركەلۋىن;
2) قازاقستان رەسپۋبليكاسى ادىلەت مينيسترلىگىندە وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە كوشىرمەلەرىن مەرزىمدى باسپا باسىلىمدارىندا جانە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى;
3) قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا وسى بۇيرىقتىڭ ورنالاستىرىلۋىن;
4) قازاقستان رەسپۋبليكاسى ادىلەت مينيسترلىگىندە وسى بۇيرىق مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 3-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ينۆەستيتسيالار جانە دامۋ ۆيتسە-ءمينيسترى ا. پ. راۋعا جۇكتەلسىن.
5. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنى ينۆەستيتسيالار جانە دامۋ
ءمينيسترىنىڭ مىندەتىن اتقارۋشى ج.قاسىمبەك.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ
2015 جىلعى 26 ناۋرىزداعى №331 بۇيرىعىنا 1-قوسىمشا
سەرتيفيكاتتالعان ءونىمنىڭ, پروتسەستەردىڭ تەحنيكالىق رەگلامەنتتەرمەن بەلگىلەنگەن تالاپتارعا سايكەستىگىن راستاۋ جونىندەگى اككرەديتتەلگەن ورگاننىڭ ينسپەكتسيالىق باقىلاۋدى جۇزەگە اسىرۋ
قاعيدالارى
1. وسى سەرتيفيكاتتالعان ءونىمنىڭ, پروتسەستەردىڭ تەحنيكالىق رەگلامەنتتەرمەن بەلگىلەنگەن تالاپتارعا سايكەستىگىن راستاۋ جونىندەگى اككرەديتتەلگەن ورگاننىڭ ينسپەكتسيالىق باقىلاۋدى جۇزەگە اسىرۋ قاعيدالارى «تەحنيكالىق رەتتەۋ تۋرالى» 2004 جىلعى 9 قاراشاداعى قازاقستان رەسپۋبليكاسى زاڭىنىڭ (بۇدان ءارى – زاڭ) 1-بابىنىڭ 8) تارماقشاسىنا سايكەس ازىرلەندى جانە سەرتيفيكاتتالعان ءونىمنىڭ, پروتسەستەردىڭ تەحنيكالىق رەگلامەنتتەرمەن بەلگىلەنگەن تالاپتارعا سايكەستىگىن راستاۋ جونىندەگى اككرەديتتەلگەن ورگاننىڭ ينسپەكتسيالىق باقىلاۋدى جۇزەگە اسىرۋ ءتارتىبىن ايقىندايدى.
2. سەرتيفيكاتتالعان ونىمگە, پروتسەسكە ينسپەكتسيالىق باقىلاۋدى ءونىمنىڭ, پروتسەستىڭ تەحنيكالىق رەگلامەنتتەرمەن بەلگىلەنگەن تالاپتارعا سايكەستىگىن ايقىنداۋ تاسىلدەرىن بەلگىلەيتىن سايكەستىكتى راستاۋ سحەماسىنا سايكەس, سايكەستىك سەرتيفيكاتى قولدانىسىنىڭ بارلىق مەرزىمى ارالىعىندا مەرزىمدىك جانە جوسپاردان تىس تەكسەرۋلەر نىسانىندا جىلىنا كەمىندە ءبىر رەت سايكەستىك سەرتيفيكاتىن بەرگەن سايكەستىكتى راستاۋ جونىندەگى اككرەديتتەلگەن ورگان جۇزەگە اسىرادى.
ينسپەكتسيالىق باقىلاۋ ءونىمنىڭ ومىرلىك پروتسەستەرىن قوسا العاندا, بەرىلگەن قانداي دا ءبىر ناتيجەگە قول جەتكىزۋ بويىنشا وتكىزىلەتىن ءونىمنىڭ نەمەسە ءوزارا بايلانىستى جانە تىزبەكتىك ءىس-ارەكەتتەر (جۇمىستار) جيىنتىعىنىڭ تەحنيكالىق رەگلامەنتتەرمەن بەلگىلەنگەن تالاپتارعا سايكەستىگىن جالعاستىراتىندىعىن راستاۋعا ارنالعان ءونىم ۇلگىلەرىن سىناۋدى جانە باسقا تەكسەرۋلەردى قامتيدى.
3. ينسپەكتسيالىق باقىلاۋ كەزەڭدىلىگىن سايكەستىك سەرتيفيكاتىن بەرگەن اككرەديتتەلگەن سايكەستىكتى راستاۋ جونىندەگى ورگان ايقىندايدى. جوسپاردان تىس تەكسەرۋلەر ءونىمنىڭ ساپاسىنا تۇتىنۋشىلاردان, ساۋدا ۇيىمدارىنان, سونداي-اق سايكەستىك سەرتيفيكاتى بەرىلگەن وبەكتىگە مەملەكەتتىك باقىلاۋدى جۇزەگە اسىراتىن ورگانداردان شاعىمدانۋ تۋرالى اقپارات تۇسكەن جاعدايدا جۇرگىزىلەدى.
4. ينسپەكتسيالىق باقىلاۋ كەزەڭدىلىگى مەن كولەمىن انىقتاۋ ولشەمدەرى ءونىمنىڭ ىقتيمال قاۋىپتىلىك دەڭگەيى, ءوندىرىس تۇراقتىلىعى, شىعارىلۋ كولەمى, مەنەدجمەنت جۇيەلەرىنىڭ بولۋى, ينسپەكتسيالىق باقىلاۋ جۇرگىزۋ قۇنى بولىپ تابىلادى.
5. ينسپەكتسيالىق باقىلاۋ باعدارلاماسىن سايكەستىكتى راستاۋ جونىندەگى ورگاننىڭ باسشىسى تەكسەرۋ باستالعانعا دەيىن بەكىتەدى.
6. ينسپەكتسيالىق باقىلاۋ, ەگەر ول سايكەستىكتى راستاۋ سىزباسىندا كوزدەلگەن بولسا, مىناداي جۇمىس تۇرلەرىن قامتيدى:
1) سەرتيفيكاتتالعان ءونىم, پروتسەسس تۋرالى كەلىپ تۇسەتىن اقپاراتتى تالداۋ;
2) تۇراقتى ساپالى ءونىم شىعارۋعا قاجەتتى شارتتاردىڭ نەمەسە قىزمەت كورسەتۋ پروتسەسىنىڭ تۇراقتىلىعىنا قاجەتتى شارتتاردىڭ ساقتالۋىن تەكسەرۋ;
3) ۇلگىلەردى ىرىكتەۋ, ونىمدەردى سىناقتان وتكىزۋ جانە ونىڭ ناتيجەلەرىن تالداۋ;
4) تەكسەرۋ ناتيجەلەرىن رەسىمدەۋ جانە شەشىمدەر قابىلداۋ.
7. ينسپەكتسيالىق باقىلاۋ ناتيجەلەرى ۇلگىلەردى سىناۋ جانە باسقا دا تەكسەرۋلەر ناتيجەلەرىن باعالاۋ, سەرتيفيكاتتالعان ءونىم ءوندىرىسىنىڭ نەمەسە قىزمەت كورسەتۋ پروتسەسىنىڭ جاي-كۇيى تۋرالى نەمەسە پروتسەستىڭ بەرىلگەن قانداي دا ءبىر ناتيجەسىنە قول جەتكىزۋ بويىنشا ءىس-ارەكەتتەر (جۇمىستار) جانە بەرىلگەن سايكەستىك سەرتيفيكاتىنىڭ قولدانىسىن ساقتاۋ مۇمكىندىكتەرى تۋرالى قورىتىندى بەرىلەتىن ەركىن نىسانداعى اكتىمەن رەسىمدەلەدى.
اكتى اككرەديتتەلگەن سايكەستىكتى راستاۋ جونىندەگى ورگاندا كەمىندە ءۇش جىل ساقتالادى, اكتىلەركوشىرمەلەرى ءوتىنىش بەرۋشىگە (دايىنداۋشىعا, ساتۋشىعا) جانە ينسپەكتسيالىق باقىلاۋعا قاتىسقان ۇيىمدارعا جىبەرىلەدى.
8. ينسپەكتسيالىق باقىلاۋدىڭ تەرىس ناتيجەلەرى بويىنشا سايكەستىكتى راستاۋ جونىندەگى اككرەديتتەلگەن ورگان سايكەستىك سەرتيفيكاتتارىنىڭ قولدانىسىن توقتاتادى نەمەسە كۇشىن جويادى.
9. ينسپەكتسيالىق باقىلاۋ سايكەستىكتى راستاۋ جونىندەگى ورگانمەن شارت نەگىزىندە جۇرگىزىلەدى.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ
2015 جىلعى 26 ناۋرىزداعى №331 بۇيرىعىنا 2-قوسىمشا
بەرىلگەن سايكەستىك سەرتيفيكاتتارىنىڭ نەمەسە سايكەستىك تۋرالى دەكلاراتسيالاردى تىركەۋدىڭ قولدانىلۋىن توقتاتۋ نەمەسە كۇشىن جويۋ قاعيدالارى
1. جالپى ەرەجەلەر
1. وسى بەرىلگەن سايكەستىك سەرتيفيكاتتارىنىڭ نەمەسە سايكەستىك تۋرالى دەكلاراتسيالاردى تىركەۋدىڭ قولدانىلۋىن توقتاتۋ نەمەسە كۇشىن جويۋ قاعيدالارى «تەحنيكالىق رەتتەۋ تۋرالى» 2004 جىلعى 9 قاراشاداعى قازاقستان رەسپۋبليكاسى زاڭىنىڭ 12-بابى 3-تارماعىنىڭ 5) تارماقشاسىنا سايكەس ازىرلەندى جانە بەرىلگەن سايكەستىك سەرتيفيكاتتارىنىڭ نەمەسە سايكەستىك تۋرالى دەكلاراتسيالار تىركەۋلەرىنىڭ قولدانىلۋىن توقتاتۋ نەمەسە كۇشىن جويۋ ءتارتىبىن ايقىندايدى.
2. اتالعان ءونىمنىڭ سايكەستىگىن راستاۋدى, سايكەستىگى تۋرالى دەكلاراتسيانى تىركەۋدى جۇرگىزگەن سايكەستىكتى راستاۋ جونىندەگى اككرەديتتەلگەن ورگاندار بەرگەن سايكەستىك سەرتيفيكاتتارىنىڭ نەمەسە سايكەستىك تۋرالى دەكلاراتسيالار تىركەۋلەرىنىڭ قولدانىلۋىن توقتاتادى نەمەسە كۇشىن جويادى.
2. سايكەستىكتى راستاۋ جونىندەگى اككرەديتتەلگەن ورگان سايكەستىك سەرتيفيكاتتارىنىڭ قولدانىسىن توقتاتۋ نەمەسە كۇشىن جويۋ ءتارتىبى
3. سايكەستىك سەرتيفيكاتىنىڭ قولدانىسى توقتاتىلادى نەمەسە كۇشىن جويادى:
1) اتالعان ءونىم ءوندىرۋدى توقتاتۋعا نەمەسە وزگە سەبەپتەر بويىنشا سايكەستىكتى راستاۋ جونىندەگى ورگان مەن ءوتىنىش بەرۋشىنىڭ ءوزارا كەلىسىمى بويىنشا;
2) سەرتيفيكاتتالعان ونىمگە جۇرگىزىلگەن ينسپەكتسيالىق باقىلاۋدىڭ تەرىس ناتيجەلەرى بويىنشا;
3) سايكەستىكتى راستاۋ جونىندەگى اككرەديتتەلگەن ورگان بەرگەن كەلىسىلگەن تۇزەتۋ شارالارى ارقىلى ءوتىنىش بەرۋشى انىقتالعان سايكەسسىزدىك سەبەپتەرىن جويسا جانە ينسپەكتسيالىق قايتا باقىلاۋ كەزىندە سىناق زەرتحاناسىندا ءونىمنىڭ تەحنيكالىق رەگلامەنتتەرگە سايكەستىگىن قوسىمشا سىناۋسىز راستاي الاتىن بولسا;
4) تەحنيكالىق رەگلامەنتتەرمەن بەلگىلەنگەن تالاپتارعا سايكەس كەلمەگەن جاعدايدا:
ينسپەكتسيالىق باقىلاۋ كەزىندە ءونىمدى سىناۋدىڭ تەرىس ناتيجەسى;
اككرەديتتەلگەن سايكەستىكتى راستاۋ جونىندەگى اككرەديتتەلگەن ورگاندى تيىسىنشە حاباردار ەتپەي, ونىمگە ارنالعان تەحنيكالىق رەگلامەنتتەردىڭ نەمەسە سىناۋ ءادىسىنىڭ وزگەرۋى;
سايكەستىكتى راستاۋ جونىندەگى اككرەديتتەلگەن ورگاندى تيىسىنشە حاباردار ەتپەي,ءونىم قۇراستىرىلىمىنىڭ (قۇرامىنىڭ), جيىنتىقتىلىعىنىڭ, ءوندىرىستىڭ ۇيىمداستىرىلۋىنىڭ جانە (نەمەسە) تەحنولوگياسىنىڭ وزگەرۋى;
ءونىم ءوندىرۋ تەحنولوگياسىتالاپتارىنىڭ وزگەرۋى (ورىندالماۋى);
سايكەستىكتى راستاۋ جونىندەگى اككرەديتتەلگەن ورگانمەن كەلىسپەي,تەحنيكالىق رەگلامەنتتەرمەن كوزدەلگەن باقىلاۋ جانە سىناۋ ادىستەرىنىڭ, مەنەدجمەنت جۇيەلەرىنىڭ وزگەرۋى (ورىندالماۋلارى) جاعدايلاردا.
4. سايكەستىك سەرتيفيكاتىنىڭ قولدانىسىن توقتاتۋ ءبىر ايعا دەيىنگى مەرزىمدە جۇزەگە اسىرىلادى.
5. سايكەستىك سەرتيفيكاتى مىناداي جاعدايلاردا توقتاتىلادى:
1) ەگەر ءونىمنىڭ انىقتالعان سايكەسسىزدىگىن جويۋ مۇمكىن بولماسا;
2) ەگەر ءوتىنىش بەرۋشى سايكەستىكتى راستاۋ جونىندەگى اككرەديتتەلگەن ورگانعا قاتىستى ءوزىنىڭ قارجىلىق مىندەتتەمەلەرىن ورىندامايتىن بولسا;
3) ەگەر ءوتىنىش بەرۋشى سايكەستىك سەرتيفيكاتىنىڭ قولدانىسى ۋاقىتشا توقتاتىلعان كەزەڭدە ءتيىستى شارالار قولدانباسا;
4) ەگەر ءوتىنىش بەرۋشى سايكەستىك سەرتيفيكاتىنىڭ قولدانىلۋ مەرزىمىن ۇزارتۋدى قالاماسا;
5) ەگەر ءونىم ءوندىرۋ توقتاتىلسا (باسقا وندىرىسكە بەرىلسە) نەمەسە كاسىپورىندى تاراتۋ جۇرگىزىلسە.
6. سايكەستىك سەرتيفيكاتىنىڭ قولدانىسىن توقتاتۋ نەمەسە كۇشىن جويۋ تۋرالى شەشىمدى ونى بەرگەن سايكەستىكتى راستاۋ جونىندەگى اككرەديتتەلگەن ورگان قابىلدايدى جانە رەسىمدەۋ وسى قاعيدالاردىڭ قوسىمشاسىنا نىسان بويىنشا سايكەس جۇرگىزىلەدى, سايكەستىكتى راستاۋ سالاسىنداعى بەرىلگەن قۇجاتتاردى ەسەپكە الۋ ءۇشىن, مەملەكەتتىك تەحنيكالىق رەتتەۋ جۇيەسىنىڭ تىزىلىمىنە ءتيىستى جازبانى ەنگىزۋ ارقىلى مىندەتتى.
7. سايكەستىكتى راستاۋ جونىندەگى اككرەديتتەلگەن ورگان سايكەستىك سەرتيفيكاتىنىڭ قولدانىسىن توقتاتۋ نەمەسە كۇشىن جويۋ تۋرالى شەشىم قابىلدايدى جانە شەشىم قابىلدانعان ساتتەن باستاپ اقپاراتتى, ونى بەرگەن ءوتىنىش بەرۋشىنىڭ, تۇتىنۋشىلاردىڭ, تەحنيكالىق رەتتەۋ سالاسىنداعى ۋاكىلەتتى ورگاننىڭ (بۇدان ءارى – ۋاكىلەتتى ورگان) جانە وزگە مۇددەلى تۇلعالاردىڭ نازارىنا جەتكىزەدى.
سايكەستىكتى راستاۋ جونىندەگى اككرەديتتەلگەن ورگان سايكەستىك سەرتيفيكاتىنىڭ قولدانىسىن توقتاتۋ نەمەسە كۇشىن جويۋ تۋرالى شەشىم قابىلداعان ساتتەن باستاپ جەتى جۇمىس كۇنى ىشىندە ۋاكىلەتتى ورگانعا كۇشى جويىلعان سايكەستىك سەرتيفيكاتىن جىبەرەدى.
3. سايكەستىكتى راستاۋ جونىندەگى اككرەديتتەلگەن ورگاننىڭ cايكەستىك تۋرالى دەكلاراتسيانى تىركەۋدى قولدانۋدى توقتاتۋ نەمەسە كۇشىن جويۋ ءتارتىبى
8. سايكەستىك تۋرالى دەكلاراتسيانى تىركەۋدىڭ قولدانىسى:
1) اككرەديتتەلگەن سايكەستىكتى راستاۋ جونىندەگى ورگان مەن ءوتىنىش بەرۋشىنىڭ ءوزارا كەلىسىمى بويىنشا;
2) ءوتىنىش بەرۋشى سايكەستىك تۋرالى دەكلاراتسيا قولدانىسىن توقتاتۋ تۋرالى شەشىم قابىلداعان جاعدايدا;
3) مەملەكەتتىك باقىلاۋدى جۇزەگە اسىراتىن لاۋازىمدى تۇلعالاردان تەحنيكالىق رەگلامەنتتەرمەن بەلگىلەنگەن تالاپتارعا دەكلاراتسيالانعان ءونىمنىڭ سايكەسسىزدىگى تۋرالى حابارلاما تۇسكەن جاعدايدا توقتاتىلادى نەمەسە كۇشىن جويادى.
9. سايكەستىك تۋرالى دەكلاراتسيانى تىركەۋدى توقتاتۋ نەمەسە كۇشىن جويۋ تۋرالى شەشىمدى سايكەستىكتى راستاۋ جونىندەگى اكككرەديتەلگەن ورگان قابىلدايدى.
10. سايكەستىكتى راستاۋ جونىندەگى اككرەديتتەلگەن ورگان شەشىم قابىلداعان ساتتەن باستاپ بەس جۇمىس كۇنى ىشىندە ءوتىنىش بەرۋشىنى, ۋاكىلەتتى ورگاندى, ناقتى ءونىمدى تۇتىنۋشىلار جانە مۇددەلى قاتىسۋشىلاردى سايكەستىك دەكلاراتسياسىن تىركەۋدى توقتاتۋ نەمەسە كۇشىن جويۋ تۋرالى جازباشا تۇردە حاباردار ەتەدى.
بەرىلگەن سايكەستىك سەرتيفيكاتىنىڭ نەمەسە سايكەستىك تۋرالى دەكلاراتسيالار تىركەۋىنىڭ قولدانىسىن توقتاتۋ نەمەسە كۇشىن جويۋ قاعيدالارىنا قوسىمشا
نىسان
20 __جىلعى « » ________
_______________________باسشىسىنا
تولىق اتاۋى
_________________________________
ءوتىنىش بەرۋشى-كاسىپورىن
_________________________________
باسشىنىڭ ت.ا.ءا.ا.
_________________________________
كاسىپورىننىڭ مەكەنجايى
شەشىم
_____________________________________________________________________
تەكسەرۋ ءتۇرى, حابارلاما حاتتىڭ №
____________________________________________________________________ ناتيجەسىندە
مىنا دەرەكتەر انىقتالدى_________________________________________________________
_______________________________________________________________________________
سايكەستىكتى راستاۋ جونىندەگى ورگاندى حاباردار ەتپەي نورماتيۆتىك
_______________________________________________________________________________
قۇجاتتىڭ, ءونىم قۇراستىرىلىمىنىڭ,
_______________________________________________________________________________
جيىنتىقتىلىعىنىڭ, ءوندىرۋ تەحنولوگياسىنىڭ وزگەرۋى;
_______________________________________________________________________________
تەحنولوگيا تالاپتارىنىڭ ورىندالماۋى
______________________________________________________________________________
سايكەستىكتى راستاۋ جونىندەگى ورگاننىڭ كەلىسىمىنسىز باقىلاۋ جانە
______________________________________________________________________________
سىناق ادىستەرىنىڭ وزگەرتىلۋى;
___________________________________________________________________
ءوندىرىستىڭ توقتاتىلۋى
______________________________________ سايكەستىكتى راستاۋ جونىندەگى ورگان بەرگەن
تىركەگەن
№ ______________________________ سايكەستىك سەرتيفيكاتىنىڭ (سايكەستىك تۋرالى
دەكلاراتسيانىڭ) قولدانىلۋ مەرزىمى_______________________________________ دەيىن
________________________________________________________________________________
________________________________________________________________________________
ءونىمنىڭ, قىزمەتتەردىڭ, پروتسەستىڭ اتاۋى
توقتاتىلسىن (كۇشى جويىلسىن)
20 جىلعى «___» _________________
سايكەستىكتى راستاۋ جونىندەگى ورگاننىڭ باسشىسى
________________________ ت.ا.ءا.ا._____________________
قولى
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ
2015 جىلعى 26 ناۋرىزداعى №331 بۇيرىعىنا 3-قوسىمشا
شەتەلدىك سايكەستىك سەرتيفيكاتتارىن, سىناق حاتتامالارىن, سايكەستىك بەلگىلەرىن جانە سايكەستىكتى راستاۋ سالاسىنداعى وزگە قۇجاتتاردى تانۋ قاعيدالارى
1. جالپى قاعيدالار
1. وسى شەتەلدىك سايكەستىك سەرتيفيكاتتارىن, سىناق حاتتامالارىن, سايكەستىك بەلگىلەرىن جانە سايكەستىكتى راستاۋ سالاسىنداعى وزگە قۇجاتتاردى تانۋ قاعيدالارى «تەحنيكالىق رەتتەۋ تۋرالى» 2004 جىلعى 9 قاراشاداعى قازاقستان رەسپۋبليكاسى زاڭىنىڭ 33-بابىنىڭ 2-تارماعىنا سايكەس ازىرلەندى جانە شەتەلدىك سايكەستىك سەرتيفيكاتتارىن, سىناق حاتتامالارىن, سايكەستىك بەلگىلەرىن جانە سايكەستىكتى راستاۋ سالاسىنداعى وزگە قۇجاتتاردى تانۋ ءتارتىبىن ايقىندايدى.
2. وسى قاعيدالاردا مىناداي انىقتامالار قولدانىلادى:
1) يمپورتتاۋشى – ءونىمدى (تاۋاردى) قازاقستاننىڭ ىشكى نارىعىندا وتكىزۋ ءۇشىن شەتتەن اكەلەتىن جەكە نەمەسە زاڭدى تۇلعا;
2) تانۋ (سايكەستىكتى راستاۋ سالاسىندا) – قازاقستان رەسپۋبليكاسىندا سايكەستىكتى راستاۋ جونىندەگى ورگان يمپورتتاۋشىدا ء(وتىنىش بەرۋشىدە) بولاتىن شەتەلدىك سايكەستىك سەرتيفيكاتىنىڭ, سايكەستىك بەلگىسىنىڭ, سىناق حاتتاماسىنىڭ نەمەسە سايكەستىكتى راستاۋ سالاسىنداعى وزگە قۇجاتتىڭ نەگىزىندە ءونىمنىڭ, قىزمەتتەردىڭ نەمەسە پروتسەستىڭ قاۋىپسىزدىگىن جازباشا راستايتىن ءراسىم.
3) سايكەستىك سەرتيفيكاتىن ۇستاۋشى – وندىرەتىن ءونىمىن سايكەستىكتى راستاۋ جونىندەگى ورگان وسى ءونىمدى قازاقستان رەسپۋبليكاسىنىڭ ستاندارتتاۋ جونىندەگى نورماتيۆتىك قۇجاتتارىمەن سايكەس جۇرگىزىلگەن سايكەستىك سەرتيفيكاتىمەن نەمەسە حالىقارالىق شارتتارعا سايكەس رەسىمدەلگەن ونىڭ كوشىرمەلەرىمەن سۇيەمەلدەۋ قۇقىعىمەن سەرتيفيكاتتاعان جەكە نەمەسە زاڭدى تۇلعا.
وسى قاعيدالارداعى وزگە انىقتامالار «تەحنيكالىق رەتتەۋ تۋرالى» 2004 جىلعى 9 قاراشاداعى قازاقستان رەسپۋبليكاسىنىڭ زاڭىنا, «سايكەستىكتى باعالاۋ سالاسىنداعى اككرەديتتەۋ تۋرالى» 2008 جىلعى 5 شىلدەدەگى قازاقستان رەسپۋبليكاسىنىڭ زاڭىنا سايكەس قولدانىلادى.
3. شەتەلدىك سايكەستىك سەرتيفيكاتتارىن, سىناق حاتتامالارىن, سايكەستىك بەلگىلەرىن جانە سايكەستىكتى راستاۋ سالاسىنداعى وزگە قۇجاتتاردى تانۋ مىناداي شارتتاردىڭ ءبىرىن ساقتاۋ كەزىندە جۇزەگە اسىرىلادى:
1) سايكەستىكتى راستاۋ ناتيجەلەرىن تانۋ تۋرالى جاسالعان حالىقارالىق كەلىسىمدەردىڭ (شارتتاردىڭ) بولۋى;
2) سايكەستىكتى باعالاۋ قۇجاتتارىندا اككرەديتتەۋ جونىندەگى ورگاننىڭ حالىقارالىق نەمەسە اككرەديتتەۋ جونىندەگى وڭىرلىك مەملەكەتتىك ەمەس, ۇكىمەتتىك ەمەس ۇيىمدارمەن جاساعان شارتتارىنا سايكەس اككرەديتتەۋ جونىندەگى حالىقارالىق ۇيىمداردىڭ راستاۋ بەلگىسىنىڭ بولۋى.
4. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتاردا وزگە قاعيدالار بەلگىلەنگەن بولسا, وندا حالىقارالىق شارت ەرەجەلەرى قولدانىلادى.
5. سايكەستىگى مىندەتتى تۇردە راستالۋعا ءتيىس ونىمگە بەرىلگەن شەتەلدىك سايكەستىك سەرتيفيكاتتارىن تانۋ قازاقستان رەسپۋبليكاسىنىڭ ستاندارتتاۋ جونىندەگى نورماتيۆتىك قۇجاتتارىمەن بەلگىلەنگەن نىساندار بويىنشا سايكەستىك سەرتيفيكاتتارىنا ولاردى قايتا رەسىمدەۋ ارقىلى جۇزەگە اسىرىلادى.
6. حالىقارالىق شارتتار نەمەسە اككرەديتتەۋ جونىندەگى حالىقارالىق نەمەسە وڭىرلىك مەملەكەتتىك ەمەس, ۇكىمەتتىك ەمەس ۇيىمدارمەن جاسالعان شارتتار بولماعان كەزدە, وعان بەلگىلەنگەن تالاپتارعا يمپورتتالاتىن ءونىمنىڭ سايكەستىگىن راستاۋ ستاندارتتاۋ جونىندەگى نورماتيۆتىك قۇجاتتارعا سايكەس جۇزەگە اسىرىلادى.
7. شەتەلدىك سايكەستىك سەرتيفيكاتتارىن, سىناق حاتتامالارىن, سايكەستىك بەلگىلەرىن جانە سايكەستىكتى راستاۋ سالاسىنداعى وزگە قۇجاتتاردى تانۋ جۇمىستارىن جۇرگىزۋ ءۇشىن ۋاكىلەتتى ورگان:
1) قازاقستان رەسپۋبليكاسى سايكەستىكتى راستاۋ ناتيجەلەرىن تانۋ تۋرالى شارت جاساسقان مەملەكەتتەر;
2) قازاقستان رەسپۋبليكاسىنىڭ اككرەديتتەۋ جونىندەگى ورگانى ءوزارا تانۋ تۋرالى كەلىسىم جاساسقان, وسى كەلىسىمگە قاتىسۋشى ەلدەردى كورسەتۋ ارقىلى حالىقارالىق نەمەسە اككرەديتتەۋ جونىندەگى وڭىرلىك مەملەكەتتىك ەمەس, ۇكىمەتتىك ەمەس ۇيىمداردىڭ تىزبەسىن قالىپتاستىرادى, تۇراقتى تۇردە جاڭارتادى جانە بارلىق مۇددەلى زاڭدى جانە جەكە تۇلعالارعا ۇسىنادى.
8. شەتەلدىك سايكەستىك سەرتيفيكاتتارىن, سىناق حاتتامالارىن, سايكەستىك بەلگىلەرىن جانە سايكەستىكتى راستاۋ سالاسىنداعى وزگە قۇجاتتاردى تانۋ يمپورتتاۋشىنىڭ ء(وتىنىش بەرۋشىنىڭ) ءوتىنىمى نەگىزىندە وسى قاعيدالارعا قوسىمشاعا سايكەس نىسان بويىنشا (بۇدان ءارى – ءوتىنىم) شارتتى نەگىزدە ءوزىنىڭ اككرەديتتەۋ سالاسىندا مالىمدەلگەن ءونىم (تاۋار) ءتۇرى بار اككرەديتتەلگەن ورگاندار جۇزەگە اسىرادى.
9. يمپورتتالاتىن, مىندەتتى تۇردە راستالۋعا ءتيىس جانە وتكىزۋگە ارنالعان ونىمگە شەتەلدىك سايكەستىك سەرتيفيكاتتارىن, سىناق حاتتامالارىن, سايكەستىك بەلگىلەرىن جانە سايكەستىكتى راستاۋ سالاسىنداعى وزگە قۇجاتتاردى تانۋ بويىنشا جۇمىستار ولارعا مەملەكەتتىك جانە ورىس تىلدەرىندە ىلەسپە اقپارات بەرىلگەن جاعدايدا جۇرگىزىلەدى.
10. اقپارات ءونىمنىڭ, ەلدىڭ جانە دايىنداۋشى-كاسىپورىننىڭ (ورىنداۋشىنىڭ) اتاۋىن, ساقتاۋ مەرزىمىن (جارامدىلىعىن, پايدالانىلۋىن), ساقتاۋ شارتتارىن, پايدالانۋ ءادىسىن (ەگەر اتالعان اقپارات تەحنيكالىق رەگلامەنتىمەن رەگلامەنتتەلگەن بولسا) قامتۋعا ءتيىس.
11. سايكەستىكتى راستاۋ جونىندەگى اككرەديتتەلگەن ورگان شەتەلدىك سايكەستىك سەرتيفيكاتىن, سىناق حاتتامالارىن, سايكەستىك بەلگىلەرىن جانە سايكەستىكتى راستاۋ سالاسىنداعى وزگە قۇجاتتاردى راستاۋ بويىنشا جۇمىستاردى جۇرگىزۋگە بەرىلگەن ءوتىنىمدى قاراۋ ناتيجەلەرى بويىنشا شەشىمدى ءوتىنىمدى العان جانە ونى تىركەگەن ساتتەن باستاپ جەتى جۇمىس كۇننەن اسپايتىن, ال تەز بۇزىلاتىن ونىمدەرگە ەكى جۇمىس كۇننەن اسپايتىن مەرزىمدە ءوتىنىم بەرۋشىگە جىبەرەدى.
12. شەشىممەن كەلىسپەگەن جاعدايدا, يمپورتتاۋشى ء(وتىنىش بەرۋشى) سوت رەتىندە شاعىمدانۋ قۇقىعى بار.
2. شەتەلدىك سايكەستىك سەرتيفيكاتتارىن تانۋ ءتارتىبى
13. شەتەلدىك سايكەستىك سەرتيفيكاتىن تانۋ ءۇشىن يمپورتتاۋشى ء(وتىنىش بەرۋشى) وتىنىمگە:
1) شەتەلدىك سەرتيفيكاتتىڭ تۇپنۇسقاسى نە بولماسا ونىڭ سايكەستىك سەرتيفيكاتىن بەرگەن سايكەستىكتى راستاۋ جونىندەگى اككرەديتتەلگەن ورگاننىڭ ءمورى جانە قول قويىلىپ راستالعان كوشىرمەسى نەمەسە سەرتيفيكات تۇپنۇسقاسىن ۇستاۋشى بولىپ تابىلاتىن كاسىپورىننىڭ (فيرمانىڭ) نوتاريالدى تۇردە راستالعان تۇپنۇسقاسىنىڭ كوشىرمەسىن;
2) شەتەلدىك سايكەستىك سەرتيفيكاتىندا كورسەتىلگەن نورماتيۆتىك قۇجاتتى, ەگەر ول قازاقستان رەسپۋبليكاسىندا قولدانىلاتىن حالىقارالىق قۇجات بولىپ تابىلمايتىن جاعدايدا;
3) ءونىمنىڭ ىلەسپە قۇجاتتارىن: كەدەندىك دەكلاراتسيانىڭ, ءونىمنىڭ (تاۋاردىڭ) شىعۋ تەگى تۋرالى سەرتيفيكاتتىڭ, كەلىسىمشارتتىڭ, جۇكقۇجاتتىڭ, شوت-فاكتۋرانىڭ كوشىرمەلەرىن, ءونىمدى سىناقتان وتكىزۋ حاتتاماسىن, گيگيەنالىق قورىتىندىنى, ۆەتەريناريالىق قۇجاتتى, فيتوسانيتاريالىق سەرتيفيكاتتى, ساپا مەنەدجمەنتى جۇيەسىنىڭ سەرتيفيكاتىن قوسا بەرەدى.
تىزبەلەنگەن قۇجاتتاردىڭ قانداي دا ءبىرىنىڭ بولماۋى يمپورتتاۋشى ء(وتىنىش بەرۋشى) ۇسىنعان قۇجاتتارداعى راستالماعان كورسەتكىشتەر بويىنشا ءونىمدى قاجەتتى سىناقتان (زەرتتەۋلەردەن) وتكىزۋ ءۇشىن نەگىز بولىپ تابىلمايدى.
14. وتىنىمگە جانە ۇسىنىلعان قۇجاتتارعا جاسالاتىن تالداۋ نەگىزىندە سايكەستىكتى راستاۋ جونىندەگى اككرەديتتەلگەن ورگان شەتەلدىك سايكەستىك سەرتيفيكاتىن تانۋ جۇمىستارىن جۇرگىزۋ مۇمكىندىگى تۋرالى شەشىم قابىلدايدى, يمپورتتاۋشىمەن ء(وتىنىش بەرۋشىمەن) بىرگە جۇمىستاردى جۇرگىزۋ شارتىن رەسىمدەيدى.
15. شەتەلدىك سەرتيفيكاتتى تانۋ تۋرالى شەشىم قابىلداۋ ءۇشىن مىناداي راسىمدەر جۇرگىزىلەدى:
1) وتىنىمگە قوسا بەرىلگەن قۇجاتتارعا ساراپتاما;
2) سايكەستىك سەرتيفيكاتى رەسىمدەلگەن ءونىمدى (تاۋاردى) سايكەستەندىرۋ;
3) تۇتىنۋشىعا ارنالعان اقپاراتتىڭ بولۋىن تەكسەرۋ.
16. سايكەستىكتى راستاۋ جونىندەگى اككرەديتتەلگەن ورگان قۇجاتتارعا ساراپتاما جۇرگىزۋ كەزىندە ولاردىڭ تۇپنۇسقالىلىعىن ايقىندايدى جانە اكەلىنگەن ونىمگە قازاقستان رەسپۋبليكاسىندا قابىلدانعان قۇجاتتار تالاپتارىنا سايكەستىگىنە سالىستىرۋ جۇرگىزەدى جانە قاجەت بولعان جاعدايدا سەرتيفيكات بەرىلگەنگە دەيىن تولىق كولەمدە نەمەسە قازاقستان رەسپۋبليكاسىندا قابىلدانعان تالاپتارعا ءونىمنىڭ سايكەستىگىن راستاۋ ءۇشىن جەكەلەگەن كورسەتكىشتەر بويىنشا قايتا سىناقتار جۇرگىزەدى.
17. شەتەلدىك سايكەستىك سەرتيفيكاتىن جەكەلەگەن كورسەتكىشتەر بويىنشا سىناق جۇرگىزۋ ارقىلى تانۋ جاعدايىندا, سەرتيفيكات سايكەستىگىنە قوسىمشا سىناقتار جۇرگىزىلگەن نورماتيۆتىك قۇجات كورسەتىلەدى.
18. ءونىمدى (تاۋاردى) سايكەستەندىرۋدى سايكەستىكتى راستاۋ جونىندەگى اككرەديتتەلگەن ورگاننىڭ ساراپشى-اۋديتورى ءونىمنىڭ نورماتيۆتىك قۇجاتتارعا, تاۋاردىڭ ىلەسپە قۇجاتتارىنا, جەتكىزىلىم شارتىنا (كەلىسىمى), وزىندىك ەرەكشەلىكتەرىنە, زاتتاڭباسىنا, زاتبەلگىلەرىنە جانە ءونىمدى (تاۋاردى) سيپاتتايتىن باسقا دا قۇجاتتارىنا سايكەستىگىن راستاۋعا جيىنتىعىندا جەتكىلىكتى بولىپ تابىلاتىن بەلگىلەرى, پارامەترلەرى, كورسەتكىشتەرى جانە تالاپتارى بويىنشا ىسكە اسىرادى.
19. ءونىمدى سايكەستەندىرۋ كەزىندە يمپورتتاۋشىنىڭ ء(وتىنىش بەرۋشىنىڭ), ءونىمنىڭ (تاۋاردىڭ) تاڭبالاۋىندا قاجەتتى اقپاراتتىڭ بولۋى بولىگىندە, ستاندارتتاۋ سالاسىنداعى نورماتيۆتىك قۇجاتتاردىڭ تالاپتارىن ورىنداۋى ەسكەرىلۋگە ءتيىس. ءونىمدى سايكەستەندىرۋ ناتيجەلەرى جانە ساقتاۋ شارتتارى سايكەستەندىرۋ اكتىسىندە كورسەتىلەدى.
20. شەتەلدىك سايكەستىك سەرتيفيكاتىن تانۋ بويىنشا وڭ شەشىم بولاتىن كەزدەسايكەستىكتى راستاۋ جونىندەگى اككرەديتتەلگەن ورگان قازاقستان رەسپۋبليكاسىنىڭ ستاندارتتاۋ جونىندەگى نورماتيۆتىك قۇجاتتارىمەن بەكىتىلگەن نىسان بوىنشا سايكەستىك سەرتيفيكاتىن رەسىمدەيدى.
21. سايكەستىك سەرتيفيكاتىندا ونىمگە قويىلاتىن مىندەتتى تالاپتاردى بەلگىلەيتىن قازاقستان رەسپۋبليكاسىنىڭ قولدانىستاعى تەحنيكالىق رەگلامەنتى كورسەتىلەدى جانە «سەرتيفيكات .... نەگىزىندە بەرىلدى» دەگەن بولىمدە ونى بەرگەن ەلدى, ورگاندى, سەرتيفيكات ءنومىرىن جانە بەرىلگەن كۇنىن كورسەتۋ ارقىلى تانىلعان شەتەلدىك سەرتيفيكاتقا جاسالعان سىلتەمەمەن جازبا جاسالادى.
22. جاڭادان بەرىلگەن سايكەستىك سەرتيفيكاتىنىڭ قولدانىلۋ مەرزىمىن سايكەستىكتى راستاۋ جونىندەگى اككرەديتتەلگەن ورگان ءونىمنىڭ جارامدىلىق مەرزىمىنە جانە قايتا رەسىمدەلەتىن شەتەلدىك سەرتيفيكاتتىڭ قولدانىلۋ مەرزىمىنە بايلانىستى بەلگىلەيدى, بىراق ءبىر جىلدان اسپاۋعا ءتيىس.
23. ەگەر سەريامەن وندىرىلەتىن ءونىم وندىرىسىنە بەرىلگەن شەتەلدىك سايكەستىك سەرتيفيكاتىنىڭ قولدانىلۋ مەرزىمى اياقتالسا, ال ونىڭ قولدانىلۋ مەرزىمىندە وندىرىلگەن ءونىم ساتۋشىدا بولسا, وندا سەرتيفيكاتتىڭ قولدانىلۋ مەرزىمى بارلىق جارامدىلىق مەرزىمىنە نەمەسە ساقتالۋ شارتتارى ساقتالعان جاعدايدا ونىڭ ساقتالۋ مەرزىمىنە ۇزارتىلادى.
24. تەز بۇزىلاتىن ونىمدەردىڭ سايكەستىك سەرتيفيكاتى ساقتاۋ جانە تاسىمالداۋ شارتتارى ساقتالعان جاعدايدا عانا تانىلادى.
25. سەرتيفيكات بەرىلگەن ەلدە دايىندالعان ونىمگە بەرىلگەن سايكەستىك سەرتيفيكاتى (كوشىرمە) تانىلمايدى, ال ءونىم بارلىق مىندەتتى كورسەتكىشتەر بويىنشا سايكەستىگىن راستاۋدان وتۋگە ءتيىس.
26. تانۋ راسىمدەرىنىڭ ناتيجەلەرى تەرىس ناتيجەلەرى كەزىندە سايكەستىكتى راستاۋ جونىندەگى اككرەديتتەلگەن ورگان ەگەر:
1) ءوتىنىم جانە وعان قوسا بەرىلگەن قۇجاتتار ءتيىستى تۇردە رەسىمدەلمەسە;
2) وتىنىمگە وسى قاعيدانىڭ 13-تارماعىندا كوزدەلگەن قۇجاتتاردىڭ تولىق ەمەس پاكەتى قوسا بەرىلسە;
3) ۇسىنىلعان قۇجاتتاردا سەنىمسىز اقپارات جازىلسا;
4) ونى سايكەستەندىرۋ پروتسەسىندە ەرەكشە بەلگىلەرى بويىنشا بەلگىلى ءبىر ءونىمدى (تاۋاردى) ءبىر ءماندى تانۋ مۇمكىن بولماسا, يمپورتتاۋشىعا ء(وتىنىم بەرۋشىگە) ەكى جۇمىس كۇنى ىشىندە جازباشا ۋاجدەلگەن باس تارتۋ جىبەرەدى.
3. سىناق حاتتامالارىن تانۋ ءتارتىبى
27. سايكەستىكتى راستاۋ سالاسىنداعى سىناق حاتتامالارىن تانۋ ءراسىمى يمپورتتاۋشىدا ء(وتىنىم بەرۋشىدە) بۇل قۇجاتتاردىڭ تۇپنۇسقالارى نەمەسە سىناق زەرتحاناسىنىڭ (ورتالىعىنىڭ) نەمەسە تانىلاتىن قۇجاتتى رەسىمدەگەن ۇيىمنىڭ نەمەسە ۇسىنىلعان كوشىرمەلەردىڭ تۇپنۇسقاسىن ۇستاۋشى بولىپ تابىلاتىن كاسىپورىننىڭ (فيرمانىڭ) ءتيىستى قول قويۋ جانە ءمور باسۋ ارقىلى نەمەسە بەلگىلەنگەن تارتىپپەن نوتاريالدى تۇردە راستالعان كوشىرمەلەرى بولعاندا عانا جۇرگىزىلەدى.
28. سايكەستىكتى راستاۋ سالاسىنداعى سىناق حاتتامالارىن تانۋ كەزىندە ولاردىڭ تۇپنۇسقاسى ايقىندالادى.
29. تانۋعا ۇسىنىلعان قۇجاتتارداعى قويىلعان قول مەن ءمور انىق وقىلاتىن جاعدايدا, سايكەستىكتى راستاۋ جونىندەگى اككرەديتتەلگەن ورگان ورىنداۋشىنىڭ قولى قويىلىپ جانە سايكەستىكتى راستاۋ جونىندەگى اككرەديتتەلگەن ورگاننىڭ ءمورى باسىلىپ راستالاتىن قۇجاتتىڭ ءبىرىنشى بەتىنە قۇجات سايكەستىكتى راستاۋ سالاسىنداعى جۇمىستار ءۇشىن تانۋ راسىمىنەن ءوتتى دەگەن رەداكتسيادا جازبا جاسايدى.
30. تانۋ راسىمىنەن ڭ وتكەن, سىناق حاتتاماسىندا كورسەتىلگەن سىناق ناتيجەلەرى سايكەستىك سەرتيفيكاتىن نەمەسە سايكەستىك تۋرالى دەكلاراتسيانى رەسىمدەۋ ءۇشىن پايدالانىلادى.
4. سايكەستىك بەلگىلەرىن جانە سايكەستىكتى راستاۋ سالاسىنداعى وزگە قۇجاتتاردى تانۋ ءتارتىبى
31. يمپورتتاۋشى ء(وتىنىش بەرۋشى) سايكەستىك بەلگىلەرىن جانە سايكەستىكتى راستاۋ سالاسىنداعى وزگە قۇجاتتاردى تانۋ ءۇشىن جۇمىستاردى جۇرگىزۋ وتىنىمىنە مىنالاردى قوسا بەرەدى:
1) ءونىمنىڭ ۇلگىسى (ىدىسى, بۋىپ-ءتۇيۋ), سەرتيفيكاتتاۋ جونىندە دەرەكتەر بەرىلەتىن ورىندا سايكەستىك بەلگىسىمەن تاڭبالانعان پايدالانۋ جانە/نەمەسە تەحنيكالىق قۇجاتتار (سايكەستىك سەرتيفيكاتىنىڭ ءنومىرى جانە كۇنى, سەرتيفيكات بەرگەن ورگاننىڭ اتاۋى);
2) مالىمدەلەتىن ءونىم سايكەس دايىندالاتىن نورماتيۆتىك قۇجات, ەگەر ول قازاقستان رەسپۋبليكاسىندا قولدانىلاتىن حالىقارالىق نەمەسە وڭىرلىك قۇجاتتىڭ ساناتىنا ەنبەيتىن جاعدايدا;
3) ءونىمنىڭ ىلەسپە قۇجاتتاماسى: كەدەندىك دەكلاراتسيانىڭ جانە ءونىمنىڭ (تاۋاردىڭ) شىعۋ تەگى تۋرالى سەرتيفيكاتتىڭ, كەلىسىمشارتتىڭ, جۇكقۇجاتتىڭ, شوت-فاكتۋرانىڭ كوشىرمەلەرى, ءونىمدى سىناقتان وتكىزۋ حاتتاماسى, گيگيەنالىق قورىتىندى, ۆەتەريناريالىق قۇجات, فيتوسانيتاريالىق سەرتيفيكات, مەنەدجمەنت جۇيەسىنىڭ سەرتيفيكاتى جانە باسقالارى.
32. سايكەستىك بەلگىسىن تانۋ تۋرالى شەشىم قابىلداۋ ءۇشىن مىنادا راسىمدەر جۇرگىزىلەدى:
1) سايكەستىك بەلگىسى باسىلعان ءونىمدى (تاۋاردى) سايكەستەندىرۋ جانە تۇتىنۋشىلارعا ارنالعان اقپاراتتىڭ جەتكىلىكتى بولۋى;
2) سايكەستىك بەلگىلەرىن تانۋعا ارنالعان نەگىزدەمەلەردى تەكسەرۋ (قازاقستان رەسپۋبليكاسىنىڭ مەملەكەتتىك تەحنيكالىق رەتتەۋ جۇيەسىندە اككرەديتتەۋ نەمەسە سايكەستىكتى راستاۋ ناتيجەلەرىن ءوزارا تانۋ تۋرالى ءتيىستى كەلىسىمدەردىڭ بولۋى);
3) قاجەتتى جاعدايلاردا (سايكەستىك بەلگىسىنىڭ انىق ەمەستىگى, مالىمەتتەردىڭ تولىق ەمەستىگى جانە وسى ءتارىزدى) سايكەستىك سەرتيفيكاتىن بەرۋ جانە وندىرۋشىگە (ساتۋشىعا) ءونىمدى (تاۋاردى) سايكەستىك بەلگىسىمەن تاڭبالاۋ قۇقىعىن بەرۋ فاكتىسىنتەكسەرۋ.
33. سايكەستىك بەلگىسىن تانۋ بويىنشا وڭ شەشىم كەزىندە سايكەستىكتى راستاۋ جونىندەگى اككرەديتتەلگەن ورگان قازاقستان رەسپۋبليكاسىنىڭ ستاندارتتاۋ جونىندەگى نورماتيۆتىك قۇجاتتارىمەن بەكىتىلگەن نىسان بوينشا سايكەستىك سەرتيفيكاتىن رەسىمدەيدى.
سايكەستىك سەرتيفيكاتىندا «سەرتيفيكات .... نەگىزىندە بەرىلدى» دەگەن تاراۋدا ونى بەرگەن ەلدى, ورگاندى, سەرتيفيكات ءنومىرىن جانە بەرىلگەن كۇنىن كورسەتە وتىرىپ,سايكەستىك بەلگىسىن تانۋ جۇرگىزىلگەنى تۋرالى سىلتەمەمەن جازبا جاسالادى.
شەتەلدىك سايكەستىك سەرتيفيكاتتارىن, سىناق حاتتامالارىن, سايكەستىك بەلگىلەرىن جانە سايكەستىكتى راستاۋ سالاسىنداعى وزگە قۇجاتتاردى تانۋ قاعيدالارىنا قوسىمشا
نىسان
يمپورتتاۋشىنىڭ ء(وتىنىم بەرۋشىنىڭ) ءوتىنىمى
سايكەستىكتى راستاۋ جونىندەگى
ورگاننىڭ باسشىسىنا
______________________________________
______________________________________
(ورگاننىڭ اتاۋى, زاڭدى مەكەنجايى)
ءوتىنىم
قازاقستان رەسپۋبليكاسىنىڭ مەملەكەتتىك تەحنيكالىق رەتتەۋ جۇيەسىندە
____________________________________________________________________
( قۇجاتتىڭ نەمەسە بەلگىنىڭ اتاۋى)
تانۋدى جۇرگىزۋگە _____________________________________________________
____________________________________________________________________
ء(وتىنىم بەرۋشىنىڭ اتاۋى, ونىڭ زاڭدى مەكەنجايى, تەلەفونى)
______________________________________________________________ اتىنان
ء(وتىنىم بەرۋشى كاسىپورىن باسشىسىنىڭ نەمەسە جەكە تۇلعانىڭ لاۋازىمى, ت.ا.ءا.ا.)
_____________________________________________________________________
(قۇجاتتىڭ نەمەسە بەلگىنىڭ اتاۋى, №, بەرىلگەن كۇنى, قۇجاتتى بەرگەن ورگاننىڭ
نەمەسە زەرتحانانىڭ اتاۋى)
تانۋ ءراسىمىن جۇرگىزۋدى جانە _________________________________________________
ء(ونىمنىڭ اتاۋى, ءتيپى, ۇلگىسى, ماركاسى, سانى, ەلى, دايىنداۋشى-كاسىپورىن)
قازاقستان رەسپۋبليكاسىنىڭ مەملەكەتتىك تەحنيكالىق رەتتەۋ جۇيەسىندە سايكەستىك سەرتيفيكاتىن بەرۋدى سۇرايدى.
قوسىمشا: *
ءوزىم ءوتىنىم بەرگەن قۇجاتتى (بەلگىنى) تانۋ راسىمىنە قاتىستى بارلىق شىعىنداردى, ونىڭ ناتيجەلەرىنە قاراماستان, تولەۋگە مىندەتتەنەمىن.
ءوتىنىم بەرۋشى ____________ ____________________
ء(وزىنىڭ قولى) (ت.ا.ءا.ا.)
مو ** 20__ج. «___»_________
ەسكەرتپە:
* وتىنىمگە سول بويىنشا تانۋ جۇرگىزىلەتىن قۇجات نەمەسە ونىڭ بەلگىلەنگەن تارتىپپەن رەسىمدەلگەن كوشىرمەسى قوسا بەرىلەدى. شەتەلدىك سايكەستىك بەلگىسىن تانۋ ءۇشىن وتىنىمگە دايىنداۋشى-كاسىپورىننىڭ بەلگىلەنگەن تارتىپپەن رەسىمدەلگەن ساپا پاسپورتىنىڭ تۇپنۇسقاسى, سونىمەن قاتار ازىرلەۋشى-كاسىپورىننىڭ جانە سايكەستىكتى راستاۋ بويىنشا جۇمىستاردى جۇرگىزگەن جانە يمپورتتالاتىن ءونىمدى سايكەستىك بەلگىسىمەن تاڭبالاۋعا رۇقسات بەرگەن شەتەلدىك ورگاننىڭ دەرەكتەمەلەرى (پوشتالىق مەكەنجايى, تەلەفونى, فاكسى, ەلەكتروندى پوشتاسى) قوسا بەرىلەدى.
** زاڭدى تۇلعا ءۇشىن.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 6 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10979 بولىپ ەنگىزىلدى.